104. HUMƏZƏ SURƏSİNİN TƏRCÜMƏSİ

104. HUMƏZƏ SURƏSİNİN TƏRCÜMƏSİ

Share on facebook
Share on twitter
Share on vk
Share on odnoklassniki
Share on whatsapp
Share on skype
Share on telegram
Share on email

Huməzə surəsi – QURANIN 104-cü surəsi. MƏKKƏDƏ nazil olmuşdur, 9 ayədir.

Bismillahir-rəhmanir-rəhim!

Rəhman və rəhim Allahın adı ilə

1 (Dalda) qeybət edib (üzdə) tə’nə vuran hər kəsin vay halına!

2 O kimsə ki, mal yığıb onu dönə-dönə sayar (çoxaldar).

3 Və elə zənn edər ki, mal-dövləti onu əbədi yaşadacaqdır.

4 Xeyr! (Heç də onun güman etdiyi kimi deyildir). O mütləq (Cəhənnəmin alt mərtəbələrindən biri olan) Hütəməyə atılacaqdır!

5 Sən nə bilirsən (haradan bilirsən) ki, Hütəmə nədir?!

6 O, Allahın yanar odudur.

7 Elə bir od ki, ürəkləri yandırıb-yaxar.

8 O, belələrinin (qeybətçilərin və tə’nə vuranların) üzünə qapanıb kilidlənəcəkdir.

9 Onlar (Cəhənnəmdə) hündür sütunlara bağlanmış olacaqlar!

Quran – V. Məmmədəliyev və Z. Bünyadov tərcüməsi